Տոկոս՝ տվյալ վարկի համար գանձվող գումար: Սա այն արժեքն է, որը վարկառուն վճարում է վարկատուին վարկի օգտագործման ողջ ժամկետի ընթացքում։ Վարկային պայմանագրում տոկոսները նշված են անվանական տոկոսադրույքի տեսքով:

Հաշվի սպասարկման վճար. վարկ տրամադրելիս, որպես կանոն, վարկառուի համար բացվում է նաև ընթացիկ հաշիվ: Սովորաբար, հաշվի սպասարկումը վճարվում է, իսկ միջնորդավճարը ֆիքսվում է։

Վարկի հետ կապված վճարներ. վարկի տրամադրումը և հետագա սպասարկումը ուղեկցվում են որոշակի վճարներով (վարկի հաստատում/վարկի տրամադրման վճար; վարկի դուրսբերման վճար; հաշվի սպասարկման վճար):

Վարկի ապահովման ծախսեր. վարկի գրավի գրանցումը, ինչպես նաև վարկի մարումից հետո գրանցման չեղարկումը կապված են որոշակի ծախսերի հետ՝ շարժական գույքի գրավի գրանցման և գրավի գրանցումը վերացնելու ծախսեր.

Ապահովագրության ծախսեր. վարկ վերցնելիս կարող է անհրաժեշտ լինել ապահովագրել վարկառուի առողջությունը և/կամ որպես գրավ ներկայացված գույքը, ինչը կապված է լրացուցիչ ծախսերի հետ: