MCE Social Capital-ը ամերիկյան ներդրումային ընկերություն է, որը 2006 թվականից ի վեր ավելի քան 291 միլիոն դոլար փոխառու կապիտալ է հատկացրել աշխարհի 65 զարգացող երկրների 146 հաստատությունների, որպեսզի այդ ընկերություններն ընդլայնվեն և ավելի լավ ծառայեն իրենց հաճախորդներին, աշխատակիցներին և համայնքներին:

Agents for Impact (AFI)-ը գերմանական ներդրող է, որը ներդրումներ է իրականացնում հանուն սոցիալական ազդեցության: AFI-ի նպատակն է ստեղծել սոցիալական ազդեցություն, որն արդար է, կայուն և պատասխանատու: Կազմակերպությունը հատուկ ուշադրություն է դարձնում այն ներդրումային հնարավորություններին, որոնք բավարարում են սոցիալական ազդեցության հատուկ չափանիշների և քայլեր են ձեռնարկում ՄԱԿ-ի Կայուն զարգացման նպատակների իրականացման ուղղությամբ: AFI-ը նաև իրականացնում է հետազոտություններ միկրոֆինանսավորման ոլորտում Invest in Vision-ի ֆոնդերից երկուսի համար:

Kiva-ն 2005 թվականին Սան Ֆրանցիսկոյում հիմնադրված ամերիկյան ոչ առևտրային կազմակերպություն է, որը գրասենյակներ ունի Բանգկոկում, Նաիրոբիում ու Փորթլենդում և աշխատակիցներ՝ աշխարհի տարբեր երկրներում: Kiva-ն ֆինանսավորում է ներգրավում քրաուդֆանդինգ վարկերի միջոցով և կապիտալի հասանելիության հնարավորություն է ստեղծում անապահով մարդկանց համար՝ բարելավելով ֆինանսական ծառայությունների որակն ու արժեքը և վերացնելով աշխարհում ֆինանսական հասանելիության հիմքում ընկած խոչընդոտները: Kiva-ի աշխատանքի միջոցով ուսանողները կարողանում վճարել իրենց ուսման վարձը, կանայք՝ սկսել բիզնես, գյուղատնտեսները՝ ձեռք բերել սարքավորումներ և ընտանիքները՝ ստանալ անհրաժեշտ շտապ օգնություն:

Համաշխարհային բանկի խմբի անդամ IFC-ն համաշխարհային զարգացման ամենամեծ հաստատությունն է, որի ուշադրությունն ուղղված է բացառապես մասնավոր հատվածին: IFC-ն ներդրումային ֆինանսավորման, միջազգային ֆինանսական շուկաներում կապիտալի մոբիլիզացման և բիզնեսներին ու կառավարությանը խորհրդատվական ծառայությունների մատուցելու միջոցով նպաստում է զարգացող երկրներին կայուն աճին: 2012 ֆինանսական տարում IFC-ն շուրջ 20 միլիարդ ԱՄՆ դոլար մեծության ներդրում է կատարել` մասնավոր հատվածի միջոցով ստեղծելով նոր աշխատատեղեր, կատարելով նորարարություններ և աջակցելով աշխարհի առավել հրատապ զարգացման մարտահրավերների լուծմանը:

responsAbility Investments AG-ն շվեյցարական ակտիվների կառավարիչ է, որն իրականացնում է զարգացումային ներդրումներ և մասնավոր, ինստիտուցիոնալ ու պետական ​​ներդրողներին առաջարկում է ներդրումների մասնագիտորեն կառավարվող լուծումներ: Կազմակերպությունը հիմնադրվել է 2003 թվականին և զարգացող տնտեսությունների ոչ ցուցակված ընկերություններին ապահովում է պարտքերի և սեփական կապիտալի ֆինանսավորմամբ:

Symbiotics-ը ներդրումային ընկերություն է, որը մասնագիտացած է զարգացող, կայուն և ներառական ֆինանսավորման մեջ` տրամադրելով շուկայի հետազոտության, ներդրումային խորհրդատվության, ինչպես նաև ակտիվների կառավարման ծառայություններ: 2004 թվականից առ այսօր Symbiotics-ը, համագործակցելով 28-ից ավելի ներդրումային ֆոնդերի և մի շարք ներդրողների հետ, շուրջ 1.9 միլիարդ դոլարի ներդրում է կատարել աշխարհի 50 զարգացող երկրների ավելի քան 200 միկրոֆինանսական հաստատություններում:

The EMF Microfinance Fund-ը ներդրող է, որը ներդրումներ է իրականացնում հանուն սոցիալական ազդեցության: EMF-ը հիմնադրվել է 2008 թվականին Լիխտենշտեյնում և նպատակ ունի խթանելու զարգացող տնտեսությունների այն բնակչության ֆինանսական ներգրավվածությանը, որոնք աչքաթող են արվել ֆինանսական համակարգի կողմից: Կազմակերպության նպատակն է նաև աջակցել հեռանկարային, պատասխանատու, եկամտաբեր և կայուն ՄՓՄՁ-ներին՝ ֆինանսավորելով այն միջնորդ կազմակերպություններին, որոնց նպատակը սոցիալական ազդեցություն ունենալն է: