Մենք հավատում ենք, որ կանանց լավ աշխատանքն ուղղակիորեն անդրադառնում է նրանց համայնքի և ընտանիքի վրա: Գենդերային հավասարության հասնելու համար ՖԻՆՔԱ-ն կենտրոնանում է Հայաստանում կանանց ֆինանսական ծառայություններից օգտվելու համար նոր հնարավորություններ ստեղծելու, ինչպես նաև նրանց մասնագիտական կարողություններն ավելի զարգացնելու վրա: Հատուկ ծրագրերի միջոցով մենք ձգտում ենք ստեղծել այնպիսի բարենպաստ միջավայր, որտեղ կանայք կարող են աշխատել և բարգավաճել։ Մեր նպատակն է բարձրացնել կին ձեռներեցների ճանաչելիությունն ու հաջողությունը շուկայում՝ նպաստելով նրանց բիզնեսի կայուն աճին:

Մեր առաքելության հիմքում ընկած է այն համոզմունքը, որ գիտելիքը բարեկեցիկ կյանքի հիմքն է․ աայն պետք է էլ ավելի զարգացնել և փոխանցել ապագա սերունդներին: Մեր ծրագրերում ներառված են սեմինարներ և դասընթացներ, որոնք կոչված են կանանց նոր հմտություններ և ինքնավստահություն հաղորդել: Ներդրումներ կատարելով կանանց գիտելիքների և գործնական կարողությունների մեջ՝ մենք հույս ունենք դրական փոփոխություններ բերել նրանց կյանքում:

Բիզնեսում կանանց հզորացմանն ուղղված՝ մենք առաջարկում ենք կրթական ծրագրեր և սեմինարներ սկսնակ կին ձեռներեցների համար։ Այս նախաձեռնություններն ընդգրկում են այնպիսի կարևոր թեմաներ, ինչպիսիք են ֆինանսների կառավարումը, ֆինանսական գրագիտությունը, մարքեթինգային ռազմավարությունները և բիզնեսի պլանավորումը ՝ կանանց տրամադրելով գիտելիքներ և փորձ՝ բիզնեսում առաջացած բարդությունները հաղթահարելու և վերջինիս զարգացման համար։
Բացի այդ, մենք իրականացնում ենք նաև մասնագիտացված մարքեթինգային ծրագրեր կանանց կողմից ստեղծված բիզնեսներին աջակցելու համար՝ առաջարկելով նրանց այնպիսի ծառայություններ, ինչպիսիք են բրենդինգը, թվային մարքեթինգը և թիրախավորված գովազդային արշավները: